ಮೌನದಿಂದ ಮಾತೋ?
ಮಾತಿನಿಂದ ಮೌನಕೆ ಬೆಲೆಯೋ?
ಎಲ್ಲವನು ನೋಡಿ ಸುಮ್ಮನಿರಲೋ?
ಎಲ್ಲವನು ಕಿರುಚಿ ಹೇಳಲೋ?
ಮನದ ಬಯಲಲಿ ಏಕಾಂಗಿಯಾಗಿರುವೆ
ಬಯಲುಂಟು, ಆಗಸವುಂಟು
ರೆಕ್ಕೆಯೋ? ಬೇರೋ?
ನಿಶ್ಚಿತವೋ? ಅನಿಶ್ಚಿತವೋ?
ಬಯಲಲ್ಲಿ ಬೇರು ಬಿಟ್ಟು ಹೆಮ್ಮರವಾಗಲೋ?
ಆಗಸದಿ ಮುಕ್ತ ಮನದಿ ತೇಲುವ ಹಕ್ಕಿಯಾಗಲೋ?
ತೀರ್ಮಾನ ಬದುಕಿನ ಅಂತ್ಯವೋ?ಆರಂಭವೋ?
ಆಸೆಯೋ? ನಿರಾಸೆಯೋ?
ನನ್ನಲ್ಲೇ ನಾನು ಅನ್ವೇಷಿಸುತ್ತಿರುವೆ.
ಉತ್ತರದ ಹುಡುಕಾಟದಲಿ ನನ್ನ ನಾನೇ ಕಳೆದುಕೊಂಡಿರುವೆ
ನಾನು ನಾನಾಗುವ ನಿಟ್ಟಿನಲ್ಲಿ,
ಹೊರಟಿರುವೆ ರೆಕ್ಕೆಯಾದರೂ, ಬೇರಾದರೂ
ಬಲಿಷ್ಠವಾಗಲು ನನ್ನ ನಾನೇ ಅರಸಿ...
-vಭಾ
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ