ದುಗುಡಗಳು ಸಹಜವೇ..
ಮನಸ್ಸಿನ ತೂಗುಯ್ಯಾಲೆಯಲಿ
ನಿರ್ಧಾರವು ಜೀಕಾಡಿದರೂ
ಕಡೆಗೆ ವಿದಾಯದ ಹಾದಿ
ನಿಶ್ಚಿತವೇ ಅಲ್ಲವೇ..?
ವಿದಾಯ ಹೇಳಿದವರಿಗೂ
ವಿದಾಯ ಹೇಳಿಸಿಕೊಂಡವರಿಗೂ
ವಿರಹದ ಒಂದಿಷ್ಟು ಅಮಲು
ಎದೆಯಾಳಕ್ಕಿಳಿಯಬಹುದಲ್ಲವೇ?
ಒಂದೆರಡು ಹನಿ ಕಣ್ಣೀರು
ಒಂದೆರಡು ದಿನ ಬೇಜಾರು
ಒಂದಿಷ್ಟು ಹಳೆ ನೆನಪುಗಳು
ಉಳಿಯುವುದಿಷ್ಟೇ ಅಲ್ಲವೆ..?
ವಿದಾಯದ ಘಳಿಗೆಯ ಮಾತು
ವಿದಾಯದ ನಂತರದ ಮೌನ
ಪರಿಚಿತತೆಯ ಅಪರಿಚಿತತೆ
ಹೀಗಲಾದರೂ ಕಾಡಬಹುದಲ್ಲವೇ?
~ವಿಭಾ ವಿಶ್ವನಾಥ್
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ