ಮೂಲ ಗಾದೆಗಳು, ಹೊಸ ಗಾದೆಗಳ ಕೆಳಗೆ ಬ್ರಾಕೇಟ್ ಅಲ್ಲಿವೆ.
1. ಪೆನ್ ಡ್ರೈವ್ ಗೆ ಹೋದ ಮರ್ಯಾದೆ ಲ್ಯಾಪ್ಟಾಪ್ ಕೊಟ್ಟರೂ ಸಿಗಲ್ಲ
(ಅಡಿಕೆಗೆ ಹೋದ ಮಾನ ಆನೆ ಕೊಟ್ಟರೂ ಬರಲ್ಲ)
2. ಸಿಸ್ಟಮ್ ಡೇಟಾ ಕದ್ದರೂ ಕಳ್ಳ, ಡೇಟಾ ಸೆಂಟರ್ ಡೇಟಾ ಕದ್ದರೂ ಕಳ್ಳ
(ಅಡಿಕೆ ಕದ್ದರೂ ಕಳ್ಳ, ಆನೆ ಕದ್ದರೂ ಕಳ್ಳ)
3. ಸೋಶಿಯಲ್ ಮೀಡಿಯಾಗಳ ಮೇಲೆ ಆಸೆ, ಮೊಬೈಲ್ ಡೇಟಾ ಮೇಲೆ ಪ್ರೀತಿ
(ಅಕ್ಕಿ ಮೇಲೆ ಆಸೆ, ನೆಂಟರ ಮೇಲೆ ಪ್ರೀತಿ)
4. ಅತಿ ಮೊಬೈಲ್ ಬಳಕೆ ಮತಿ ಕೇಡು
(ಅತಿ ಆಸೆ ಗತಿ ಕೇಡು)
5. ಕೋಡಿಂಗ್ ಮಾಡ್ತಾ ಮಾಡ್ತಾ ಅಪ್ಲಿಕೇಶನ್, ಡೇಟಾ ಬಳಸುತ್ತಾ ಬಳಸುತ್ತಾ ಖಾಲಿ
(ಹಾಡ್ತಾ ಹಾಡ್ತಾ ರಾಗ, ಉಗುಳ್ತಾ ಉಗುಳ್ತಾ ರೋಗ)
6. ವಾಟ್ಸಾಪ್ ಬಳಸುವುದು ಬಿಡುವುದಿಲ್ಲ, ಇನ್ಸ್ಟಾಗ್ರಾಮ್ ಆನ್ ಇನ್ಸ್ಟಾಲ್ ಮಾಡುವುದಿಲ್ಲ
(ಆರಕ್ಕೆ ಏರುವುದಿಲ್ಲ, ಮೂರಕ್ಕೆ ಇಳಿಯುವುದಿಲ್ಲ)
7. ಅಪ್ಲಿಕೇಶನ್ ಡೆವಲಪ್ ಮಾಡಿದವರಿಗಿಂತ, ಬಳಕೆದಾರರೇ ಮೇಲು
(ಅಡುಗೆ ಮಾಡಿದವಳಿಗಿಂತ ಬಡಿಸಿದವರೇ ಮೇಲು)
8. ಸೋಶಿಯಲ್ ಮೀಡಿಯಾ, ಇಂಟರ್ನೆಟ್ ಡೇಟಾ ತೊಳಿಯ
(ಅಳಿಯ ಮನೆ ತೊಳಿಯ)
9. ನಮ್ಮ ಮುಖದ ಅವಲಕ್ಷಣಕ್ಕೆ ಸೆಲ್ಫಿ ಬೇಕೇ ?
(ಅಂಗೈ ಹುಣ್ಣಿಗೆ ಕನ್ನಡಿ ಬೇಕೇ)
10. ಮೊಬೈಲ್ ಡೇಟಾ ಅಲರ್ಟ್ ಇದ್ದಾಗಲೇ, ವಿಡಿಯೋ ಮೇಲೆ ವಿಡಿಯೋ ಕಳುಹಿಸಿದರಂತೆ
(ಅಟ್ಟದ ಮೇಲಿಂದ ಬಿದ್ದವನಿಗೆ, ದಡಿಗೆ ತಗೊಂಡು ಹೇರಿದರಂತೆ)
11.ಕಡಿಮೆ ಎಂ.ಬಿ, ಕೆಟ್ಟ app
(ಅಗ್ಗದ ಮಾಲು, ಮುಗ್ಗಿದ ಜೋಳ)
12. ಅಜ್ಜಿಗೆ ಗ್ರೂಪ್ ಮೆಸೇಜ್ ಚಿಂತೆ ಆದರೆ, ಮೊಮ್ಮಗಳಿಗೆ ಸ್ಟೇಟಸ್ ಚಿಂತೆ
(ಅಜ್ಜಿಗೆ ಅರಿವೆ ಚಿಂತೆ, ಮೊಮ್ಮಗಳಿಗೆ ಮತ್ತೇನೋ ಚಿಂತೆ)
13. ಕಾಡಿ ಬೇಡಿ ಪಬ್ ಜಿ ಆಡ್ತಾ ಇದ್ದರು
(ಅತ್ತೂ ಕರೆದು ಔತಣ ಹೇಳಿಸಿಕೊಂಡರು)
14. ವೈ-ಫೈ ಪಾಸ್ವರ್ಡ್ ನೀಡದವರ ಸಂಗ, ಸ್ನೇಹವೇ ಭಂಗ
(ಅಲ್ಪರ ಸಂಗ ಅಭಿಮಾನ ಭಂಗ)
15. ಇಂಟರ್ನೆಟ್ ಡೇಟಾ ಇರೋತನಕ, ಸ್ಮಾರ್ಟ್ ಫೋನ್ ನಲ್ಲಿ ವೈಭೋಗ
(ರಾಜ ಇರೋ ತನಕ, ರಾಣಿ ಭೋಗ)
16. ವೈ-ಫೈ ನೆನಪಾದಾಗ, ಪಾಸ್ವರ್ಡ್ ಮರೆತು ಹೋದಂತೆ
(ರಾಗ ನೆನಪಾದಾಗ, ತಾಳ ಮರೆತು ಹೋಯಿತಂತೆ)
17. ಯೂಟ್ಯೂಬ್ ನಲ್ಲಿ app ಇನ್ಸ್ಟಾಲ್ ಮಾಡೋ ವಿಡಿಯೋ ನೋಡಿ, ಪ್ಲೇಸ್ಟೋರ್ ಗೂ, app ಗೂ ಏನು ಸಂಬಂಧ ಅಂದ್ರಂತೆ
(ರಾತ್ರಿ ಎಲ್ಲಾ ರಾಮಾಯಣ ಕೇಳಿ, ಬೆಳಗೆದ್ದು ರಾಮನಿಗೂ ಸೀತೆಗೂ ಏನು ಸಂಬಂಧ ಅಂದ್ರಂತೆ)
18. ಅಪ್ಲಿಕೇಶನ್ ಡೆವಲಪರ್ ಕಾಣದ್ದನ್ನ, ಯೂಸರ್ ಕಂಡ
(ರವಿ ಕಾಣದ್ದನ್ನ ಕವಿ ಕಂಡ)
19. ಗೇಮ್ ನ ಕೊನೆಯ ಹಂತದಲ್ಲಿರುವಾಗ, ಮೊಬೈಲ್ ಹ್ಯಾಂಗ್ ಆದಂಗೆ
(ಶಿವ ಪೂಜೆಯಲ್ಲಿ ಕರಡಿ ಬಿಟ್ಟ ಹಾಗೆ)
20. ವೈರಸ್ ಗೆ anti-ವೈರಸ್
(ಸೇರಿಗೆ ಸವ್ವಾಸೇರು)
21. ಮೊಬೈಲ್ ಸಹವಾಸದಿಂದ ವಿದ್ಯಾರ್ಥಿ ಕೆಟ್ಟ
(ಸಹವಾಸ ದೋಷದಿಂದ ಸನ್ಯಾಸಿ ಕೆಟ್ಟ)
22. ಅಪ್ಲಿಕೇಶನ್ ಇನ್ಸ್ಟಾಲ್ ಮಾಡಿದವನು, ಅಪ್ಡೇಟ್ ಮಾಡಿಕೊಳ್ಳುವುದಿಲ್ಲವೇ?
(ಊರಿಗೆ ಬಂದವಳು ನೀರಿಗೆ ಬರುವುದಿಲ್ಲವೇ )
23. ಅನ್ ಇನ್ಸ್ಟಾಲ್ ಮಾಡೋ ಮುಂಚೆ, ಅಪ್ಡೇಟ್ ಮಾಡಿದಂತೆ
( ಸಾಯೋ ಮುಂಚೆ, ಸಕ್ಕರೆ ತುಪ್ಪ ತಿನಿಸಿದರಂತೆ)
24. App ಬಳಸಲು ತೆಗೆದಾಗಲೆಲ್ಲಾ ಜಾಹೀರಾತುಗಳೇ ಆದರೆ, app ಬಳಸುವುದಾದರೂ ಯಾವಾಗ?
(ಸಾಯೋ ತನಕ ಶನಿ ಕಾಟ ಆದರೆ ಬಾಳೋದು ಯಾವಾಗ?)
25. ಡೇಟಾ ಹ್ಯಾಕ್ ಮಾಡಿದವನು ನುಣುಚಿಕೊಂಡ, ಸಿಸ್ಟಮ್ ಕೊಟ್ಟವನು ಸಿಕ್ಕಿ ಹಾಕಿಕೊಂಡ
(ಹಣ್ಣು ತಿಂದವನು ತಪ್ಪಿಸಿಕೊಂಡ, ಸಿಪ್ಪೆ ತಿಂದವನು ಸಿಕ್ಕಿ ಹಾಕಿಕೊಂಡ)
26. ಹತ್ತು ಹೊಸ ಪೆನ್ ಡ್ರೈವ್ ತೆಗೆದುಕೊಂಡರೂ ಕಳೆದುಕೊಂಡ ಒಂದು ಪೆನ್ ಡ್ರೈವ್ ಅನ್ನು ಮರೆಯುವುದಿಲ್ಲ
(ಹತ್ತು ಮಕ್ಕಳ ತಾಯಾದರೂ ಸತ್ತ ಮಗನ್ನ ಮರೆಯುವುದಿಲ್ಲ)
27. ಸೆಲ್ಫಿ ಹುಚ್ಚಿನವನಿಗೆ, ಟಿಕ್-ಟಾಕ್ ಮಾಡುವವನ ಸಾಕ್ಷಿ
(ಹಾಗಲ ಕಾಯಿಗೆ ಬೇವಿನ ಕಾಯಿ ಸಾಕ್ಷಿ)
28. ಮೊಬೈಲ್ ನೋಡಿಲ್ಲದವನಿಗೆ ಸ್ಮಾರ್ಟ್ ಫೋನ್ ಸಿಕ್ಕರೆ, ಅರ್ಧ ರಾತ್ರೀಲಿ ವಾಟ್ಸಾಪ್ ವಿಡಿಯೋ ಕಾಲ್ ಮಾಡಿದನಂತೆ
(ಅಲ್ಪನಿಗೆ ಐಶ್ವರ್ಯ ಬಂದರೆ, ಅರ್ಧ ರಾತ್ರೀಲಿ ಕೊಡೆ ಹಿಡಿದನಂತೆ)
29. ಎನ್ಕ್ರಿಪ್ಟ್ ಮಾಡಿದವನಿಗೆ ಡಿಕ್ರಿಪ್ಟ್ ಮಾಡುವುದು ತಪ್ಪದು
(ಹುಟ್ಟಿದವನಿಗೆ ಸಾವು ತಪ್ಪದು)
30. ಗೇಮ್ ಅತಿಯಾಗಿ ಆಡಿದವನಿಗೆ ಗೇಮ್ ಬೋರು ಬೋರು
(ಹೊಟ್ಟೆ ತುಂಬಿದ ಮೇಲೆ ಹುಗ್ಗಿ ಮುಳ್ಳು ಮುಳ್ಳು)
ಮತ್ತಷ್ಟು
~ವಿಭಾ ವಿಶ್ವನಾಥ್
