ನಿಲುಕದ ಚಂದಿರನ ಹಿಡಿದು,
ಅವನ ಬೆಳದಿಂಗಳನು
ಜಗಕೆಲ್ಲ ಪಸರಿಸುವಾಸೆ
ಅಳುವ ಮಕ್ಕಳೆದುರು
ಅವನನ್ನು ತಂದು ನಿಲ್ಲಿಸಿ
ಇವನಿನ್ನು ನಿಮ್ಮವನೆಂದು
ಅವರಿಗೇ ಕೊಡುವಾಸೆ
ಅವನನ್ನು ತಾರೆಗಳಿಂದ
ದೂರಕೆ ಕರೆತಂದು
ಮತ್ತೊಂದು ಬದುಕಿದೆಯೆಂದು ತೋರಿ
ಅದನು ಅವನಿಗೆ ಪರಿಚಯಿಸುವಾಸೆ
ಅಮವಾಸ್ಯೆಗೆ ಕಾಣೆಯಾಗಿ ಕಾಡುವ
ಹುಣ್ಣಿಮೆಯಲ್ಲಿ ಬೆಳಗಿದಾಗ ಕಾಣುವ
ಅವನಲಿ ಕಂಡೂ ಕಾಣದಂತಿರುವ ಅವನ
ಮುಗುಳ್ನಗೆಯ ಹಿಡಿದಿಟ್ಟುಕೊಳ್ಳುವಾಸೆ
~ವಿಭಾ ವಿಶ್ವನಾಥ್
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ