ಬುಧವಾರ, ಆಗಸ್ಟ್ 30, 2017

ಕನಸುಗಳಿಗೆ ಸಾವಿಲ್ಲ...

ಮನದ ಬಾಂದಳದಲಿ ನಿಂತು,
ಸುತ್ತ-ಮುತ್ತಲ್ಲೆಲ್ಲಾ ಅವಲೋಕಿಸಿದಾಗ
ಅರೆರೆ! ಕನಸಿನ ಕಲ್ಪವೃಕ್ಷಗಳು
ಯಾವುದೋ ಅರೆಗಳಿಗೆಯಲಿ ಕಂಡ ಕನಸುಗಳು,
ನಿದ್ದೆಯಲಿ ಕಂಡ ಕನಸುಗಳಲ್ಲ ಅವು,
ಎಚ್ಚರವಿದ್ದಾಗ ಪಡಿಮೂಡಿದ ಕೂಸುಗಳು
ನಂತರ ಯಾರದೋ ದರ್ಪಕೆ, ಹೀಯಾಳಿಕೆಗೆ
ಅವಮಾನಕೆ ಸಿಕ್ಕು ನಲುಗಿದ್ದ ಕನಸುಗಳು.
ನಂಬಿಕೆಯೆಂಬ ಹನಿ ಅಮೃತದೊಂದಿಗೆ ಬದುಕಿದವು.
ಕಂಡ ಕನಸುಗಳಾವು ಕಳೆದು ಹೋಗಿಲ್ಲ,
ಸತ್ತಂತಿರುವ ಕನಸುಗಳಿಗೂ ನನಸೆಂಬ ಮರುಹುಟ್ಟು
ಹಾಲಾಹಲವ ನುಂಗಿ ಬದುಕುವ ಅಮೃತಫಲಗಳಿವು
ಯಾರ, ಯಾವ ಕನಸಿಗೂ ಸಾವಿಲ್ಲ.
ಯಾರದೋ ಕನಸುಗಳು, ಯಾವುದೋ ಕಂಗಳಲಿ...
ಬದುಕಿ ಬಾಳುವ ಕನಸುಗಳಿಗೆಂದಿಗೂ ಸಾವಿಲ್ಲ...
                                                    -vಭಾ

ಕಾಮೆಂಟ್‌ಗಳಿಲ್ಲ:

ಕಾಮೆಂಟ್‌‌ ಪೋಸ್ಟ್‌ ಮಾಡಿ