ತೀರಬಲ್ಲದೇ ಇವರೆಲ್ಲರ ಋಣ?
ತೀರಲಾರದು ಎಷ್ಟೇ ಜನುಮವೆತ್ತಿದರೂ...
ಜನುಮ ನೀಡಿದ ತಾಯ್ತಂದೆಯರ ಋಣ,
ಉಸಿರು ನೀಡಿದ ಗಾಳಿಯ ಋಣ
ತೀರಬಲ್ಲದೇ ಇವರೆಲ್ಲರ ಋಣ?
ಬೆಳಕು ,ಶಾಖ ನೀಡಿದ ರವಿಯ ಋಣ,
ವಿದ್ಯೆ ಕಲಿಸಿ, ತಿದ್ದಿ ತೀಡಿದ ಗುರುಗಳ ಋಣ
ತೀರಬಲ್ಲದೇ ಇವರೆಲ್ಲರ ಋಣ?
ಜೊತೆಯಲಿದ್ದು ಆಸರೆಯಾದ ಸ್ನೇಹಿತರ ಋಣ,
ನೋವು-ನಲಿವಿಗೆ ಜೊತೆಯಾಗಿದ್ದ ಬಂಧುಗಳ ಋಣ
ತೀರಬಲ್ಲದೇ ಇವರೆಲ್ಲರ ಋಣ?
ಗೊತ್ತಿದ್ದೋ, ಗೊತ್ತಿಲ್ಲದೆಯೋ ಪಾಠ ಕಲಿಸಿದವರ ಋಣ
ಮುಗುಳ್ನಗೆಯಂದದಿ ಜಗವನ್ನೇ ಗೆಲ್ಲಲು ಕಲಿಸಿದವರ ಋಣ
ತೀರಬಲ್ಲದೇ ಇವರೆಲ್ಲರ ಋಣ?
ತೀರಿಸಲು ಹೊರಟಿಲ್ಲ ಈ ಋಣವ
ನಮಗೆ ದಾರಿದೀಪವಾದವರ ನೆನೆಸುತ್ತಾ,
ಮಿನುಗುವ ಹಣತೆಯಾಗುವಾಸೆ...
ತೀರಬಲ್ಲದೇ ಇವರೆಲ್ಲರ ಋಣ?
ತೀರಲಾರದು ಎಷ್ಟೇ ಜನುಮವೆತ್ತಿದರೂ...
-vಭಾ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ