ಭಾನುವಾರ, ಜನವರಿ 26, 2020

ಶುಭ ಮುಂಜಾನೆ


ಅರಶಿನ-ಕುಂಕುಮಗಳು ಮಿಳಿತವಾಗಿ
ಮನದಲ್ಲಿಯೂ ಆಗಸದಂತೆಯೇ
ನವಿರಾದ ರಂಗಿನೋಕುಳಿ ಎದ್ದು
ಸಲ್ಲುತಿಹುದು ಭಾವಪೂರ್ಣ ನಮನ

ಕೋಟೆಯ ಪ್ರತಿ ಅಂಗುಲದಲ್ಲಿಯೂ
ಪ್ರತಿಫಲಿಸಿದ ಹೊಂಗಿರಣದಿಂದ
ಹೊಳೆಯುತಿರುವ ಶಿಲೆಗಳೆಲ್ಲವೂ
ಮಾರ್ದನಿಸುತಿದೆ ಸುಪ್ರಭಾತವನು

ಆಗಸದಂಚಿನಲಿ ಬೆಳ್ಳಂಬೆಳಿಗ್ಗೆಯೇ
ಉದಯಿಸುವ ನೇಸರನಾಗಮನಕೆ
ಕಾಯುತಿರುವ ಬಾನಾಡಿಗಳೆಲ್ಲವೂ
ಉಲಿಯುತಿವೆ ಶುಭೋದಯವೆಂದು

ದಿವಿನಾದ ರಂಗಿನಾಟದಿ ಮಿಂದು
ಮಂಜಿನಿಂದಾವೃತವಾದ ಕಂದರವು
ಹಸಿರ ಮೈವೆದ್ದು ತಯಾರಾಗಿದೆ
ಬೆಳ್ಳಂಬೆಳಗಿನ ಸುಸ್ವಾಗತಕೆ

ಭೂಮಿ ಭಾನುಗಳೆರಡರ ಮಿಲನದ
ದಿಗಂತದಂಚಿನಲಿ ನಿಂತ ಸೂರ್ಯ
ಮುಗುಳ್ನಗುತ ಮಾರ್ನುಡಿಯುತಿಹನು
ಶುಭದಿನದ ಶುಭಾಷಯಗಳು

~ವಿಭಾ ವಿಶ್ವನಾಥ್

ಕಾಮೆಂಟ್‌ಗಳಿಲ್ಲ:

ಕಾಮೆಂಟ್‌‌ ಪೋಸ್ಟ್‌ ಮಾಡಿ