ಬಣ್ಣದ ಓಕುಳಿಯೊಳಗೆ..

ಬಣ್ಣ-ಬಣ್ಣದಿ ಮಿಂದು

ಬಿಳಿಯ ಬಣ್ಣವನೆಲ್ಲಾ ಕಳೆದು

ಏತಕೀಗೆ ಮೌನದಿ ಕುಳಿತಿರುವೆ?

 ಎದ್ದು ನಿಂತು ಬೊಗಳದೆ

ಬಣ್ಣದಲ್ಲೆಲ್ಲಾ ಹೊರಳಾಡಿ

ಚುಕ್ಕಿಗಳಾ ಮೂಡಿಸಿಕೊಂಡಿರುವೆಯೇನು?

 ಚಿತ್ತಾರದ ಮುದ್ದು ಗೊಂಬೆಯಾಗಿ

ನನ್ನ ಮನವ ಗೆಲ್ಲಲೆಂದು

ವರ್ಣದಲಿ ಮಿಂದು ಬಂದೆಯಾ?

 ನಿನ್ನ ಬಿಳಿಯ ತುಪ್ಪಳಕ್ಕಿಂತ

ಇದುವೆ ನಿನಗೆ ಚಂದ ಕಂಡಿದೆ

ನೀನು ದಿನವೂ ಹೀಗೇ ಇರುವೆಯಾ?

 ಸೊಗಸುಗಾರ ನಿನ್ನ ಮುಗ್ಧತೆಗೆ

ಮನಸೋತು ನಾ ಕೂಡಾ ನಿನ್ನಂತೆ

ಬಣ್ಣವ ಬಳಿದುಕೊಳ್ಳುವೆ ಒಪ್ಪುವೆಯಾ?

 ಹೋಳಿಯ ಓಕುಳಿಯಂತೆ ಚಂದ

ನಿನ್ನ ಮೈಯ್ಯ ಬಣ್ಣದ ಚಿತ್ತಾರ

ನೀ ನನ್ನೊಡನೆಯೂ ಬಣ್ಣದೋಕುಳಿ ಆಡುವೆಯಾ?

-ವಿಭಾ ವಿಶ್ವನಾಥ್