ಮನವೂ ಕೂಡಾ ಗಿರಗಿಟ್ಲೆಯಾಗಿದೆ
ಅಮ್ಮನು ಕೊಟ್ಟ ಹುಂಡಿಯ ಕಾಸಲಿ
ಜಾತ್ರೆಯ ಸುತ್ತಿದರೂ, ಆಸೆಯು ತಣಿಯದೆ
ಕೊನೆಗೇರಿದೆವು ಗಿರಿಗಿಟ್ಲೆಯನೇ...
ಮನದಾಳದ ಸುಪ್ತ ಭೀತಿಗಳನೂ
ಗಿರಗಿರ ಎಂದು ಗಿರಕಿ ಹೊಡೆಸುತ
ಆಚೆಗೆಸೆಯುತಲಿದೆ ಗಿರಗಿಟ್ಲೆ...
ಎಷ್ಟು ಸುತ್ತಿದರೂ ತಣಿಯದ
ನನ್ನೊಳಗೆಲ್ಲಾ ಮುಗಿಯದ ಬಯಕೆ
ಮನವು ಸಹಾ ಗಿರಗಿಟ್ಲೆಯಂತೇ ಸುತ್ತುತಿದೆ
ನನ್ನೊಡನೆ ನನ್ನ ದೋಸ್ತಿಯು ಇರಲು
ನಮಗಾರು ಸರಿಸಾಟಿಯೆಂದು ಎಂಬ
ಅಮಲಿನಲ್ಲಿಯೇ ತೇಲುತಿಹೆ ಗಿರಗಿಟ್ಲೆಯಂತೆಯೇ..
-ವಿಭಾ ವಿಶ್ವನಾಥ್
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ