ನೀರ್ಗಲ್ಲ ಮೇಲಿನ ಪಯಣ ನನ್ನದು
ನೆಲವೋ,ನೀರೋ ಗೊತ್ತಿಲ್ಲ...
ನನ್ನ ಬಿಂಬವೂ ನನಗೆ ಕಾಣುತ್ತಿಲ್ಲ
ಅನಿಶ್ಚಿತತೆಯತ್ತ ಸಾಗುತಿದೆ ಪಯಣ.
ಅಮೂರ್ತತೆಯತ್ತ ಸಾಗಿದೆ ಬದುಕು
ಸಾವಧಾನದಲೋ,ವೇಗದಲೋ ಗೊತ್ತಿಲ್ಲ...
ದಾರಿ ಹೋದತ್ತ ಸಾಗುವ ಪಯಣದಲಿ,
ಭಾವನೆಗಳಿಗೆ ಬೆಲೆ ಇಲ್ಲ ಇಲ್ಲಿ.
ಎತ್ತಲೋ,ಎಲ್ಲಿಗೋ ಪಯಣ ನಿಶ್ಚಿತ.
ಬೀಳುವೆನೋ,ಏಳುವೆನೋ ಗೊತ್ತಿಲ್ಲ...
ತೇಲಾಟವೋ,ಮುಳುಗಡೆಯೋ ಅದೂ ಗೊತ್ತಿಲ್ಲ...
ಚಿತ್ತ ತೋರಿದ ಹಾದಿಯತ್ತ ಹೆಜ್ಜೆ.
-vಭಾ
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ