ನಿನ್ನತನವ ನಿನ್ನಿಂದ ಸೂರೆಗೊಂಡರೂ
ಒಡಲುರಿತವ ಪ್ರದರ್ಶಿಸದೆ
ಎಲ್ಲರಿಗೂ ಕ್ಷಮಾಧಾನ ನೀಡಿ,
ಕ್ಷಮಯಾಧರಿತ್ರಿ ಎನ್ನಿಸಿಕೊಳ್ಳುವ ಆಸೆಯೇನೆ?
ಬಂಜರಾದರೂ, ಒಳ್ಳೆಯ ಫಲ ನೀಡಿದರೂ,
ಚೂರು ಏರು-ಪೇರಾದರೂ ದೂಷಣೆ ನಿನಗೇ
ನಿನ್ನ ಸಹನೆಗೂ ಮಿತಿಯಿದೆ ಎಂದು ಗೊತ್ತಿದ್ದರೂ,
ಏಕೀಗೆ ವರ್ತಿಸುತ್ತಿರುವರು?
ಬೇಡಮ್ಮಾ,ಬೇಡ ಇಷ್ಟು ಸಹನೆ
ಈ ಜನರಿಂದ ನೀ ಏನೂ ಅಪೇಕ್ಷಿಸದಿದ್ದರೂ,
ಒಳ್ಳೆಯತನವನ್ನಂತೂ ಅಪೇಕ್ಷಿಸುವೆ
ನೀ(ನಿ) ಸ್ವಾರ್ಥಿಯಲ್ಲವೇನೇ?
ಸಹನಾಮಯಿಯೇ, ಕ್ಷಮಯಾಧರಿತ್ರಿಯ
ಈ ಗುಣಗಳನ್ನು ನನಗೂ ನೀಡುವೆಯಾ
ನಿನ್ನ ಪ್ರತಿರೂಪವಾಗಲ್ಲದಿದ್ದರೂ,
ನನ್ನಂತೆ ನಾ ಬದುಕಲು....
-vಭಾ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ