ಮಾತೃ ಹೃದಯ

ಬರಿದಾದ ಬರಡು ನೆಲವು ಇದಲ್ಲ,

ತುಂಬಿದೆ ಪ್ರೀತಿ ಎದೆಯೊಳಗೆ.

ಬಿತ್ತಿದಂತೆ ಬೆಳೆಯಾದರೆ, ತೋರಿದಂತೆ ಒಲುಮೆಯೇ?

ಪ್ರೀತಿಯ ಹೊಳೆಯಲ್ಲಿ ಕೊಚ್ಚಿ ಹೋಗುವುದಿಲ್ಲ,

ಬಡತನದ ಬದುಕನ್ನು ಮರೆತಿಲ್ಲ,

ಸಿರಿತನ ತುಂಬಿದ ತಾಯ ಹೃದಯವಿದು.

ಮಮತೆಯ ಮಡಿಲಿನಲಿಹುದು ಸುಪ್ತ ಪ್ರೀತಿ

ಅನೂಹ್ಯ ಚಿಂತನೆಗಳ ಅಗಾಧತೆಯ ಕಡಲಿದು.

ಅನನ್ಯ ಬಯಕೆಗಳು ಒಡಲೊಳಗಿವುದು.

ಜೀವನದ ಕುಲುಮೆಯೊಳಗೆ ಬೆಂದಿದ್ದರೂ,

ಪ್ರೀತಿಯ ಬಿಸಿ ಅಪ್ಪುಗೆ ಇಲ್ಲಿವುದು.

ಮಾತೃ ಹೃದಯದಲಿ ವೇದನೆಯು ಅಡಗಿವುದು

ಒಮ್ಮೆ ನೀ ಬಂದು ನೋಡೆನ್ನನು.

ತೋರಿದ ಕೋಪ-ತಾಪಗಳು ನಿನ್ನೊಳಿತಿಗೇ

ತೊರೆದು ಹೋಗದೆ ನೀ ಸೇರು ನನ್ನನ್ನು

ಕಣ್ಮುಚ್ಚುವೆ ನಿನ್ನ ಆಸರೆಯಲೇ,

ಕೊನೆಯುಸಿರೆಳೆಯುವೆನು ನೆಮ್ಮದಿಯಲೇ.     

                                   -vಭಾ