ಕಾರಣವ ಹುಡುಕುತ್ತಾ

ಕಾರಣ ಹೇಳುವ ಮನಸ್ಸಿಲ್ಲ ನನಗೆ

ಕಾರಣ ತಿಳಿಯುವ ಹುಚ್ಚು ಬಯಕೆ ನಿನಗೆ

ಹೇಳ ಬಯಸಿದರೆ ನೂರುಂಟು ಕಾರಣ

ಕಾರಣ ಬದುಕ ಸರಿ ಮಾಡದು

ತೀರಿ ಹೋದವುಗಳ ಸರಿ ಮಾಡವು ಅವು

ಹೇಳುತಾ ಹೋದರೆ ಕೇಳುತಾ ಹೋಗುವೆ

ಕಾರಣಗಳ ಕಾರಣೀಕರ್ತ ನಾನಾಗಲಾರೆ

ಹೇಳಿ ಹೋದರೆ ನೂರು ಕಾರಣ

ಹೇಳದೆ ಹೊರಟರೆ ಒಂದೇ ಕಾರಣ

ಬದುಕು ಕಾರಣಗಳ ಸಂತೆ

ಆ ಸಂತೆಯ ಸರಕುಗಳೇ ಚಿಂತೆ

ಹೊರಟಿರುವೆ ಹೊಸ ಬದುಕಿಗೆ ನಾನು

ತಿಳಿಯಬೇಡ, ತಡೆಯಬೇಡ ಕಾರಣ ಕೇಳಿ

ಉಳಿಯುವುದಿಲ್ಲ ನಾನು ಕಾರಣವ ಹೇಳಿ

                               -vಭಾ