ಗಂಗೆಯ ಅಭಿಷೇಕವು
ತೋರಿಕೆಗೆ ಜಲದಿ ಮಿಂದು
ಕೋಪವನು ತೊಡೆಯುವನೇ ಪರಮೇಶ್ವರ?
ಬರಿಯ ಅಭಿಷೇಕ, ನೈವೇದ್ಯದಿಂದ
ಶಾಂತಿಗೊಳಿಸಲಾಗುವುದೇ ಆ ಶಿವನಾ?
ಭಕ್ತಿಯ ಪಂಚಾಕ್ಷರಿ ಜಪದಿ ಭಕ್ತರು
ಸುಪ್ರೀತಗೊಳಿಸುವರು ನಾಗಭೂಷಣನ
ಅರ್ಧನಾರೀಶ್ವರನಿಗೆ ಎಂದಿಗೂ
ತಪ್ಪದು ನಂದಿಯ ಉಪಚಾರವು
ಗಂಗೆ-ಗೌರಿಯರ ಪ್ರೀತಿಯ ಜಲವು
ಪುನೀತಗೊಳಿಸುವುದು ಮುಕ್ಕಣ್ಣನ
ಜೊತೆಗೆ ಬಿಲ್ವಪತ್ರೆಯೂ ಸೇರಿ
ಶಮನಗೊಳಿಸುವುದು ಮನದ ತಾಪವ
ಭಸ್ಮದಾರಿಯಾದರೂ ಹರನು
ಕಂಗೊಳಿಸುವನು ಬಹಳ ಅಂದದಿ
ಪ್ರಕೃತಿ-ಪುರುಷನಾಗಿ ಮುಕ್ಕಣ್ಣನು
ಪೂಜಿಸಿಕೊಳ್ಳುವನು ಲಿಂಗರೂಪದಿ
~ವಿಭಾ ವಿಶ್ವನಾಥ್
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ