ಮರಳಿ ಬಂದಿತು ಯುಗಾದಿ

ವಸಂತನ ಆಗಮನವ ಸಾರುತ

ಇಳೆಯಲಿ ಹರುಷವ ತುಂಬುತ

ಸಿಹಿ-ಕಹಿಯ ಹಂಚುತಲಿ ...

ಮರಳಿ ಬಂದಿತು ಯುಗಾದಿ

ಕಷ್ಟ-ಸುಖಗಳ ತಕ್ಕಡಿಯನು

ಸಮನಾಗಿ ತೂಗಿ ಎಂದೇಳುತ

ಸಮಚಿತ್ತವನು ಕಲಿಸಲು ನಮಗೆ

ಮರಳಿ ಬಂದಿತು ಯುಗಾದಿ

ಮಾವಿನ ಚಿಗುರಿನ ಛಾಯೆಯಲಿ

ಕೋಗಿಲೆ ಹಾಡಿನ ಮಾಯೆಗಾಗಿ

ಹರುಷದ ಹೊನಲಿನ ಸೊಗಸಿನಲಿ 

ಮರಳಿ ಬಂದಿತು ಯುಗಾದಿ

ಹರುಷವ ಎಲ್ಲೆಡೆ ಹಂಚಿರೆಂದು

ಭಾವೈಕ್ಯತೆಯ ಸಿಹಿಯ ಪಸರಿಸಿ

ಮನದ ಕಹಿಯ ಮರೆಸಲೆಂದು

ಮರಳಿ ಬಂದಿತು ಯುಗಾದಿ

-ವಿಭಾ ವಿಶ್ವನಾಥ್