ಆಡುವೆವು ಆಟವ

ಗೆಳೆಯರೆಲ್ಲ ಒಂದುಗೂಡಿ
ಬಳಗವನ್ನು ಮಾಡಿಕೊಂಡು
ಮಸ್ತಿಯಲಿ  ಕಲಿಯುವೆವು ಪಾಠವ
ಅದರೊಂದಿಗೆ  ಆಡುವೆವು ಆಟವ

ಇಂದು ಗೋಲಿ, ನಾಳೆ ಗಜ್ಜುಗ
ಇನ್ನೊಮ್ಮೆ ಚಿಣ್ಣಿ-ದಾಂಡು,ಬುಗುರಿ
ಹೀಗೇ ಬೆಳೆಯುತಿವುದು ಆಟದ ಪಟ್ಟಿ
ಜೊತೆಗೆ ಗೆಳೆಯರ ಪಟ್ಟಿಯೂ

ಬಿಸಿಲು-ಮಳೆ ಏನೇ ಬರಲಿ
ಮನದಣಿಯೆ ಆಡುವೆವು ಆಟವ
ಸೋಲು - ಗೆಲುವು ಏನೇ ಇರಲಿ
ಎಲ್ಲರೂ ಇರುವೆವು ಜೊತೆಯಲಿ

ಆಟದಲಿ ಗೆಲ್ಲುವುದೇ ಗೆಲುವಲ್ಲ
ಮತ್ತೊಬ್ಬರ ಮನವ ಗೆಲ್ಲುವುದೇ ಗೆಲುವೆಂದು
ಹೀಗೇ ಒಂದೊಂದು ಆಟಗಳೂ ಕಲಿಸುತಿಹವು
ಮೌಲ್ಯಯುತ  ಜೀವನದ ಪಾಠವ

~ವಿಭಾ ವಿಶ್ವನಾಥ್