ಹಳೆಯ ಕಟ್ಟೆ ಇದು ಎಂದು
ದೂಷಿಸದೆ ಹಿರಿ-ಕಿರಿಯರೆಲ್ಲ ಸೇರಿ
ಅರಳಿ ಕಟ್ಟೆ ಎಂದು ಪೂಜೆ ಸಲ್ಲಿಸುವ ಕಟ್ಟೆಯಿದು
ಊರಿನ ಎಲ್ಲಾ ವಿಷಯಗಳು
ಚರ್ಚೆಯಾಗುವ ಕಟ್ಟೆಯೂ
ಮನೆ-ಮನೆಯ ರಂಗಿನ ಸುದ್ದಿಗಳೂ
ರೆಕ್ಕೆ-ಪುಕ್ಕ ಪಡೆವ ಹಳ್ಳಿ ಕಟ್ಟೆಯಿದು
ಹಳ್ಳಿಯ ರಾಜಕೀಯ ರಾರಾಜಿಸುತ
ಎಲ್ಲರ ಬಾಯಲ್ಲು ಹಬ್ಬುವ ಜನ್ಮಸ್ಥಳವಿದು
ಗೋಳದೆಲ್ಲ ಸಮಾಚಾರಗಳೂ
ಕಲರವಗೊಳ್ಳುವ ಚಚ್ಚೌಕದ ಹಳ್ಳಿ ಕಟ್ಟೆಯಿದು
ಬುಗುರಿ ಆಡಲು ಕಿರಿಯರು
ಸುದ್ದಿ ಓದುತ ಹಿರಿಯರೂ
ನ್ಯಾಯ ತೀರ್ಮಾನಕೆ ಎಲ್ಲರೂ
ನೆಚ್ಚಿಕೊಂಡಿರುವ ಮೆಚ್ಚಿನ ಕಟ್ಟೆಯಿದು
~ವಿಭಾ ವಿಶ್ವನಾಥ್
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ