ನನ್ನ ಪಾಲಿನ ದೇವತೆ

ಬೀದಿಯಲಿ ಯಾರೋ ಬಿಸುಟಿ ಹೋದ,
ಹಸುಳೆಯ ಉಸಿರಿಗೆ ಉಸಿರು ಕೊಟ್ಟಳು
ಅದಕೊಂದು ಚೆಂದದ ಹೆಸರನಿಟ್ಟಳು
ಲಾಲಿಸಿ ಪಾಲಿಸಿ ಮುದ್ದಿಸಿದಳು

ನನ್ನ ಮಡಿಲಲಿ ಬೆಚ್ಚಗೆ ಜಾಗಕೊಟ್ಟಳು
ತಾನು ಉಣ್ಣದೆ ಮನಗೆ ಉಣಿಸಿದಳು
ಭಯವಾದಾಗ ಧೈರ್ಯ ತುಂಬಿದಳು
ಬದುಕಲು ಆತ್ಮಸ್ಥೈರ್ಯ ತುಂಬಿದಳು

ಪ್ರಾಮಾಣಿಕತೆಯೇ ದೇವರೆಂದು ಹೇಳಿದಳು
ತುಟಿಯಲೆಂದೂ ಮುಗುಳ್ನಗೆಯ ಬಿಡದವಳು
ಕಡುಕತ್ತಲಿನಲ್ಲಿಯೂ ಬೆಳಕು ತೋರಿದವಳು
ದಿಕ್ಕು ತಪ್ಪಿದಾಗ ದಾರಿದೀಪವಾದವಳು

ನನಗಾಗಿ ತನ್ನೆಲ್ಲಾ ಸುಖವ ಬಲಿಕೊಟ್ಟವಳು
ಲೋಕದ ಕಣ್ಣಿಗೆ ದುರಂತ ನಾಯಕಿಯಾದಳು
ಆದರೆ ನನ್ನ ಪಾಲಿನ ದೇವತೆಯವಳು
ಆ ದೇವತೆಯ ಹೆಸರೇ "ಅಮ್ಮ"

~ವಿಭಾ ವಿಶ್ವನಾಥ್