ಸಮ್ಮಿಶ್ರ

 ಇರುಳಲ್ಲಿ ನೇಸರನ ನೆರಳನ್ನೂ

ಹಗಲಲ್ಲಿ ಚಂದ್ರಮನ ಬೆಳಕನ್ನೂ

ಬಯಸುತ್ತಾ ಅರ್ಥವಿಲ್ಲದೆ ವರ್ತಿಸದಿರಿ

ಅರ್ಥವಾಗಲಿಲ್ಲವೇ..??

ಈಜುವ ಮೀನನ್ನು ಮರ ಹತ್ತಿ ಸಾಧಿಸು ಎನ್ನದೇ

ಹಾರುವ ಹಕ್ಕಿಯನ್ನು ಈಜಿ ಸಾಧಿಸು ಎನ್ನದಿರಿ

ಇನ್ನೂ ಅರ್ಥವಾಗಲಿಲ್ಲವೇ..??

ಆಟೋಟದಿ ಸಾಧಿಸುವ ಮಗುವಿಗೆ ಓದು ಎನ್ನುತ

ಓದಿನಲ್ಲಿ ಮುಂದಿರುವ ಮಗುವಿಗೆ ಹಾಡು ಎನ್ನುತ

ಒತ್ತಾಯಿಸಿ ಒತ್ತಡ ಹೇರದಿರಿ

ನೆರಳು- ಬೆಳಕು ಎರಡರ ಸಮ್ಮಿಶ್ರವೇ ಬದುಕು

~ವಿಭಾ ವಿಶ್ವನಾಥ್