"ಇಂದಿನಿಂದ ನಾನು ನಿತ್ಯವೂ ತಪ್ಪದೇ ವಾಕಿಂಗ್ ಹೋಗುವ ಸಂಕಲ್ಪ ಮಾಡುತ್ತೇನೆ" ಎಂದವನ ಮಾತಿಗೆ
"ಈ ರೀತಿಯ ಸಂಕಲ್ಪ ವಾರಕ್ಕೊಂದಾದರೂ ಇರುತ್ತಲ್ಲಾ ನಿಮ್ಮದು" ಎಂದು ಛೇಡಿಸುತ್ತಾ ಬೊಟ್ಟು ಮಾಡಿದವಳಿಗೆ
"ನೀನು ಯಾವತ್ತಾದರೂ ಹೀಗೆ ಸಂಕಲ್ಪ ಮಾಡಿ ಏನಾದರೊಂದನ್ನು ಶುರು ಮಾಡು. ಆಗ ನಿನಗೆ ಇದರ ಕಷ್ಟದ ಅರಿವಾಗುತ್ತದೆ." ಎಂದ ಹುಸಿಮುನಿಸಿನಲ್ಲಿಯೇ..
"ಒಳ್ಳೆಯದನ್ನು ಆರಂಭಿಸಲು ಶುಭ ಕಾಲಕ್ಕಾಗಿ ಕಾಯುವವಳಲ್ಲ. ಸಂಕಲ್ಪ ಮಾಡಿಯೇ ಆರಂಭಿಸುವುದಿಲ್ಲ. ಶಿಸ್ತು, ಧೃಡ ನಿಶ್ಚಯ ಮಾತಿನಿಂದಲ್ಲ.. ಮನಸ್ಸಿನಿಂದ ಬರಬೇಕು." ಎಂದವಳ ಮಾತಿನ ಜೊತೆಗೆ ದಿನವೂ ಬಿಡದೆ ಕೆಲಸದ ಜೊತೆಗೆ ಮಾಡುವ ಎಷ್ಟೋ ಅಭ್ಯಾಸಗಳನ್ನು ನೆನಪಿಸಿಕೊಂಡ. ಮನೆಯ ಹೊರಗೆ ಹಾಗೂ ಒಳಗೆ ದುಡಿಯುವುದರ ಜೊತೆಗೆ ವ್ಯಾಯಾಮ, ವಾಕಿಂಗ್, ಪುಸ್ತಕ ಓದುವುದು, ಸಂಬಂಧಗಳನ್ನು ನಿಭಾಯಿಸುವ ಪರಿ ಎಲ್ಲವನ್ನೂ ಹೇಳದೆಯೇ ಅಚ್ಚುಕಟ್ಟಾಗಿ ಮಾಡುತ್ತಿರುವ ಅವಳ ದೈನಂದಿನ ಬದುಕಿನೆದುರಿಗೆ ತನ್ನ ಸೋಮಾರಿತನದ ಹಾಗೂ ಬಾಯಿ ಮಾತಿನ ಸಂಕಲ್ಪಕ್ಕೆ ನಾಚಿಕೆಯಾಯಿತು. ಹೆಚ್ಚಿನ ಮಾತು ಬೆಳೆಸದೆ ವಾಕಿಂಗ್ ಗೆ ತಯಾರಾದ.
~ವಿಭಾ ವಿಶ್ವನಾಥ್
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ