ದಡದಲ್ಲಿ ನಿಂತು ದೃಷ್ಟಿಸುತ್ತಾ
ಕಡಲನ್ನೇ ಕನ್ನಡಿಯಾಗಿಸಿಕೊಂಡು
ಭಾವಗಳಲ್ಲಿ ಮಿಂದೇಳುತ್ತಾಳೆ ಅವಳು
ಹೆಚ್ಚಿನ ವ್ಯತ್ಯಾಸವಿಲ್ಲ ಇಬ್ಬರಲ್ಲೂ
ಅವಳ ಭಾವಗಳು ಹುಚ್ಚೇರಿದಾಗ
ಕಡಲಲ್ಲಿ ಭರತದ ಧಾವಂತ
ಅವಳು ಸಮಾಧಾನಿಸಿಕೊಳ್ಳುತ್ತಿದ್ದಂತೆ
ಕಡಲಲ್ಲಿ ಇಳಿತದ ಮಂದಗಮನ
ಅಲೆಗಳ ನಾದಕ್ಕೆ ಮರುಳಾಗುತ್ತಾಳೆ
ತೆರೆಗಳ ಅಬ್ಬರಕ್ಕೆ ಕಿವಿಯಾಗುತ್ತಾಳೆ
ಮೇಲೆ ಅಬ್ಬರಿಸಿದರೂ ಒಳಗೆ ಶಾಂತವಿರುವ ಕಡಲು
ಒಳಗೆ ತುಮುಲವಿದ್ದರೂ ಹೊರಗೆ ಶಾಂತವಿರುವ ಅವಳು
~ವಿಭಾ ವಿಶ್ವನಾಥ್
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ