ಸುದ್ದಿ ಕಾಲ

 

ಸುದ್ದಿ ಮಾಡುವ ಹಪಾಹಪಿಗೆ

ಸುಳ್ಳು ಸುದ್ದಿಯ ಸತ್ಯದಂತೆ ಬಿಂಬಿಸಿ

ನೈಜತೆಯ ಮರೆಮಾಚಿ ನಡೆವಾಗ

ಗಾಳಿಸುದ್ದಿ ಹರಡುತ್ತಿತ್ತು

ಚಾರಿತ್ರ್ಯ ಹರಣವಾಗುತ್ತಿತ್ತು

ಸುಳ್ಳು ಮೆರವಣಿಗೆ ಬರುತಿತ್ತು

ಅರ್ಧ ಸತ್ಯವಷ್ಟೇ ತೆರೆದಿತ್ತು

ನಾಳೆಗೆ ನೇಪಥ್ಯಕ್ಕೆ ಸರಿದಿತ್ತು

ಸುದ್ದಿ ಮಾಗುವ ಕಾಲದಲ್ಲಿ

ಸುದ್ದಿ ಮಾಡಿದವರೇ ಮರೆಯಾದರು

ಶುದ್ಧಿಯಾಗಬೇಕಿದೆ ಅಂತರಂಗ

ಸತ್ಯ ಮುನ್ನೆಲೆಗೆ ಬರಬೇಕಿದೆ

ಸುಳ್ಳು ಬೆತ್ತಲಾಗಬೇಕಿದೆ

ಗಾಳಿಸುದ್ದಿ ನಿಲ್ಲಬೇಕಿದೆ

ಬ್ರೇಕಿಂಗ್ ಗೆ ಬ್ರೇಕ್ ಹಾಕಬೇಕಿದೆ

ನವ ಯುಗ ಬರಬೇಕಿದೆ

~ವಿಭಾ ವಿಶ್ವನಾಥ್