ಅವಳನ್ನು ತಡೆದು ನಿಲ್ಲಿಸಿದರೆ
ಎಂಬ ಆಲೋಚನೆಯಿದ್ದರೂ
ಯಾರಿಗೂ ಧೈರ್ಯವಿರಲಿಲ್ಲ
ಬೆಕ್ಕಿನ ಕತ್ತಿಗೆ ಘಂಟೆ ಕಟ್ಟುವವರಾರು
ಅವಳನ್ನು ತಡೆದು ನಿಲ್ಲಿಸಿದರೆ
ಅನ್ಯಾಯವನ್ನು ಮೆಟ್ಟಿ ನಿಲ್ಲುವವರಾರು
ಅಪವಾದವನ್ನು ಅಳಿಸುವವರಾರು
ದುಷ್ಟತನಕ್ಕೆ ಸವಾಲು ಒಡ್ಡುವವರಾರು
ಅವಳನ್ನು ತಡೆದು ನಿಲ್ಲಿಸಿದರೆ
ಕೆಟ್ಟವರಿಗೆ ಶಿಕ್ಷೆ ನೀಡುವವರಾರು
ಮರೆಯ ಮೋಸಗಳನ್ನು ತಡೆಯುವವರಾರು
ಮುಖವಾಡಗಳನ್ನು ಕಳಚುವವರಾರು
ಅವಳನ್ನು ತಡೆದು ನಿಲ್ಲಿಸಿದರೆ
ಸುಳ್ಳನ್ನು ಬೆತ್ತಲಾಗಿಸುವವರಾರು
ಮನೆಮುರುಕರನ್ನು ಒದ್ದು ಓಡಿಸುವವರಾರು
ಒಳ್ಳೆಯತನಕ್ಕೆ ರಕ್ಷಣೆ ನೀಡುವವರಾರು
ಅವಳನ್ನು ತಡೆದು ನಿಲ್ಲಿಸಿದರೆ
ಅವಳ ಆಕ್ರೋಶ ಸ್ಪೋಟವಾಗಬಹುದು
ಅವಳ ಸಿಟ್ಟಿಗೆ ಸುಟ್ಟು ಹೋಗಬಹುದು
ಅವಳ ಕೋಪ ಕೆರಳಬಹುದು
ಅವಳನ್ನು ತಡೆದು ನಿಲ್ಲಿಸಿದರೆ
ಎಂಬ ಆಲೋಚನೆಯನ್ನೇ ತಡೆದರೆ
ಎಲ್ಲವೂ ಬದಲಾಗಬಹುದು
ಏಕೆಂದರೆ, ಅವಳು ಎಲ್ಲವನ್ನೂ ಬದಲಾಯಿಸಬಲ್ಲಳು
~ವಿಭಾ ವಿಶ್ವನಾಥ್
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ